Askush nuk jep sqarime për 5.3 milionë eurot e Salillarit

Salillari ka një kompani në fushën e ndërtimeve, e cila ka marrë fonde të konsiderueshme shtetërore. Në përgjithësi firmë korrekte, por ka patur edhe akuza të shumta ndaj pronarit.

Ndërkohë së fundmi i janë dhënë 5.3 milionë euro tenderim me 99,9 % të fondit limit, çka edhe në kushtet më ideale kompjuterike nuk do të mund ta aplikonte me një propabalitet të tillë.

Por sapo ia dhanë, u detyruan t’ia anulojnë!

Pikëpyetjet janë se pse me 12 maj 2025 e mori tenderin dhe me 14 korrik 2025 ia bllokuan.  Në vendim shkruhet se anulohet kur “nëse asnjë nga ofertat e paraqitura nuk përputhet me kriteret e përcaktuara në dokumentet e tenderit”.

Pra duhet sqaruar nga organet ligjzbatuese nëse “Salillari” ka paraqitur dokumente false apo thjesht komisioni nuk ka kontrolluar mirë dokumentet në rastin e shpalljes fitues, duke mos patur konkurrentë.

Njihen plot raste kur një kompani eliminon konkurruesit duke i blerë që të mos paraqiten ose të tërhiqen, duke u shpallur automatikisht fitues me ofertën me të lartë. Sikurse ka raste me manipulime dokumentesh.