Astrit Patozi: PS në kërkim të mandatit të tretë dhe timonit të dytë

Kreu i Bindjes Demokratike, Astrit Patozi ka ironisuar kryetarin e Partisë Demokratike, Lulzim Basha se po bën fushatë për të rrëzuar demokratët e larguar nga PD.

Postimi i plotë i Astrit Patozit

ME KRAHË TË LEHTA, LUL!

1-PS është prej kohësh në fushatë për të mundur prapë Lulin, Berishën dhe Monikën, se Iliri u duhet ende President. Thonë se janë në kërkim të mandatit të tretë dhe timonit të dytë.

2-Edhe LSI nuk mbetet pas. Si shtëpi me dy porta që janë, i kanë në sulm me të gjithë arsenalin e vet, si Ilirin, ashtu dhe Monikën. Qëllimi është një dhe i vetëm, të largojnë Edi Ramën nga kryeministër.

3-Ndërsa Luli me trimat e vet e kanë nisur fuqishëm betejën për të rrëzuar Patozin, Topallin, Murrizin etj.

Me krahë të lehta, mor çuna! Luftë doni, luftë do të ketë! Secili e zgjedh me dëshirë dhe me aq mend sa ka objektivin e vet për 25 prillin.