Atentati ndaj prokurorit, Krimet e Rënda: Redjan Rraja në burg, arrestimi i ligjshëm

Krimet e Rënda e kanë konsideruar të ligjshëm arrestimit e Redjan Rrajas, duke caktuar ndaj tij masën e arrestit në burg.

Redjan Rraja, u arrestua një ditë më parë si një nga autorët e dyshuar të atentatit ndaj prokurorit Arjan Ndoji, shoferit të tij, Andi Maloku, dhe Aleksandër Lahos alias Pëllumb Muharremit , i njohur edhe si “Rrumi” i Shijakut. Ndaj tij rëndon akuza për veprat penale “vrasje e funksionarëve publikë”, “vrasje e mbetur në tentativë” dhe “armëmbajtje pa leje”.

Ai u arrestua në Shkodër, në pikën kufitare të Hanit të Hotit, në tentativë për t’u larguar drejt Malit të Zi, pasi u zbulua nga gjurmët e gishtërinjve, në mjetin e gjetur nga policia pas atentatit.