Avari në traget, anulohet udhëtimi Durrës-Ankona

Anulohet lundrimi i tragetit nga Durrësi drejt Ankonës për shkak të avarisë. Autoriteti Portual Durrës njofton anulimin e lundrimit nga Porti i Durrësit drejt Ankonës(Itali).

Njoftimi:

Njoftojmë pasagjerët që kishin rezervuar udhëtimin e tyre mbrëmjen e sotme drejt Ankonës me tragetin “Claudia” se ky lundrim është anuluar për shkak të një avarie që ka pësuar ky traget.

Kompania do të rimbursojë ose shtyjë për një moment të dytë të gjitha biletat e rezevuara për këtë lundrim.

Linja e Barit do të vijojë normalisht sipas orareve të parashikuara.