Azilkërkuesi: Nuk ngopeshim me bukë, ndaj vidhnim në Gjermani

“Nuk ngopeshim me bukë, jemi detyruar të vjedhim”. Kështu ka pohuar Altin Vorfi, babai i dy fëmijëve, i cili së bashku me ta dhe bashkëshorten qëndruan plot pesë muaj në Gjermani.

“U nisëm nga Shkodra me një taksi të cilës i paguam 1400 euro. U nisëm për një jetë më të mirë, por gjetëm veç vuajtje. Jemi detyruar të vidhnim ushqime në supermarkete, pasi ato që na ofronin në kamp nuk mjaftonin”, rrëfen i përlotur ai.

Në fund, azilkërkuesi i kthyer u bën apel shqiptarëve që të mos nisen drejt Gjermanisë pasi sipas tij, do t’i kursejnë vetes shumë vuajtje.