Kreu i grupit parlamentar të PS, Taulant Balla ka reaguar për protestën e tensionuar para Parlamentit, ku ka ndarë pamjet teksa protestuesit e efektivët e Policisë së Shtetit janë përplasur. Balla shprehet se protesta paqësore për flamingot ka degraduar në një shfaqje barbare të linjës terroriste. Ai thotë se Dritan Goxhaj dhe elementë kriminalë të përfshirë mes protestës sulmuan sot Policinë e Shtetit dhe institucionet e zgjedhura demokratike.
Postimi i plotë
Opaaaaa i doli koka muhabetit. Ajo që nisi si një protestë paqësore e disa djemve dhe vajzave, të cilët dashurojnë flamingot, e më pas mori shtysë nga një akt dhune i dënueshëm, sot degradoi në një shfaqje barbare e linjës terroriste dhe kriminale aty.
Dritan Goxhaj dhe elementë kriminalë të përfshirë mes protestës sulmuan sot Policinë e Shtetit dhe institucionet e zgjedhura demokratike.
Dhe kush bën shaka me ndërhyrjen agresive të Iranit në këtë protestë, po ndihet shumë i turpëruar ndërsa e vërteta po del në shesh, pasi e tërë kjo mjegull histerie digjitale po shpërndahet.