Balla tregon për herë të parë sesa emigrantë me të drejtë vote ka Shqipëria

Ministri i shtetit për Marrëdhëniet me Parlamentin, Taulant Balla thotë se nuk ka një shifër konkrete të emigrantëve shqiptarë me të drejtë vote, që do të bëhen pjesë e procesit zgjedhor të vitit 2025. Balla i cili është edhe drejtues politik i PS për diasporën, bëri një përllogaritje të thjeshtë, nisur nga rezultati i Cens 2023, duke thënë se përafërsisht janë mbi 1.7 milionë votues. ”Nuk e kam këtë informacion të plotë, por siç ju thashë nëse shohim të dhënat e Censit të fundit, nëse marrim përqindjen e grup moshës 0-18 vjeç, pak a shumë i bie diku te 1.7 milionë votues, ose pak më shumë që janë jashtë territorit”.