Balliu: Rama pëson parainfarkt, përfundon në spital

Ish-deputeti i PD-së, Klevis Balliu, përmes një postimi në facebook, thotë se Kryeministri Edi Rama, ka pësuar parainfarkt dhe më 16 mars ka përfunduar në spital. Balliu thotë se shkak i kësaj gjendje shëndetësore ka ardhur nga: ”Skandalet si vjedhja e Unazës, kanabizimi i vendit, droga, implikimet e qeverisë me krimin, dosja 339 apo 184 dhe patjeter revolta qytetare janë arsyet e gjendjes së tij”,-shkruan Balliu.

Postimi i plotë

Rama përfundon në spital pas 16 marsit. Mësova nga disa burime se Kryeministri Rama është shtruar në një spital privat, pasi ka pësuar një parainfarkt. Gjendja e tij shëndetësore reflekton qartazi gjendjen e rënduar politike. Skandalet si vjedhja e Unazës, kanabizimi i vendit, droga, implikimet e qeverisë me krimin, dosja 339 apo 184 dhe patjeter revolta qytetare janë arsyet e gjendjes së tij.

Duke i uruar shërim të shpejtë, i kërkoj që të japë dorëheqjen për të mirën e tij. Pasi politikisht tani dihet që gjendja është e papërballushme por qartazi edhe fizikisht nuk e përballon dot.

Ndaj i kërkoj Kryeministrit ti hapi rrugën qytetarëve me zgjidhje politike, që Shqipëria të kthehet në normalitetin politik dhe ekonomik te saj. Më shpejt se sa vonë Edvin, mendo për vete dhe qytetarët.