Ish-deputeti i Partisë Demokratike, Klevis Balliu, ka denoncuar sot IKMT-në, “se është sulur në një mision totalisht të paligjshëm për të informuar se ditën e hënë shtëpitë në Lotin 2 në projektin famëkeq të Unazës së Re, do të shemben”.
Ndonëse Loti 2 është anuluar dhe nuk është bërë një ritenderim, pra nuk ka as kompani as projekt, Balliu dononcon se IKMT vazhdon me prishjen e shtëpive të banorëve në Unazën e Re.
Postimi i plotë i Balliut
Sot IKMT, e shoqëruar nga qindra forca Policie, është sulur në një mision totalisht të paligjshëm për të informuar se ditën e hënë shtëpitë në Lotin 2 në projektin famëkeq të Unazës, ku për 40 milionë euro nuk u arrestua askush përveç banorëve, do të SHEMBEN.
Loti 2 është i ANULLUAR dhe nuk është bërë një RITENDERIM, pra nuk ka as kompani as projekt, çka në fakt është e vërtetë për të gjitha Lotet.
Por në rastin konkret, nuk ka as një tenderim të projektit.
Pra thjesht bëhet fjalë për oreksin e pushtetarëve që të shkatërrojnë shtëpitë e qytetarëve për të ndërtuar kullat e oligarkëve.
Praktikisht shteti po vjedh shtëpitë për të pastruar paratë e drogës me Erion Veliajn, lavatriçen më të madhe të Europës.
Ky është një akt i turpshëm dhe barbar, që do të thot më se sot Shqipëria s’ka as ligj, as Kushtetutë dhe as shtet.