Balliu: Të shpallet në kërkim Prokuroria!

Ish-deputeti Klevis Balliu dorëzoi në prokurori kallëzim penal për abuzimet me projektin të Unaza e Re. Ndërkohë organi i akuzës nuk ka bërë asnjë veprim për veprat penale që flagrante që janë denoncuar.

Në një reagim në Facebook, Balliu ironizon qëndrimin e prokurorisë dhe thotë se ky institucion duhet të shpallet në kërkim.

Postimi i plotë i Klevis Balliut:

Të shpallet në kërkim prokuroria! Nuk ka Prokurori e as prokuror. Edhe pse Partia Demokratike ka depozituar kallëzim penal për çështjen e Unazës së Re, Prokuroria nuk bën asnjë veprim, a thua se nuk ekziston. PD ka bërë kallëzim dhe ka dorëzuar prova e fakte për aferën korruptive që po ndodh tek Unaza, e ku qindra familje rrezikojnë të mbeten ne qiell të hapur, Prokuroria nuk bën asnjë veprim.

Prokuroria nuk nis hetimet e as nuk pezullon punimet. Prokuroria NUK është aty. Prokuroria të shpallet në kërkim.

Çdo marrëveshje me Ramën është bashkëpunim me krimin.