Ish-deputeti i PD, Klevis Balliu, ka reaguar për rezultatin e zgjedhjeve të 25 prillit, ku fituese me shumicë votash ka dalë Partia Socialiste. Përmes një postimi në faceboll, Balliu, shprehet se opozita është përballur me modelin më të zi të një diktature, teksa shton se kjo humbje nuk është fundi për opozitën. Ai thekson se në pikëpyetje është fati i fëmijëve, demokracisë dhe i gjithë kombit.
Postimi i plotë
Të dashur miq demokratë. Sot është dita për një falenderim për të gjithë ju. Jemi përplasur egërsisht me modelin më të zi të një diktature të pashpallur në letra por katastrofike në veprim.
Ky nuk është fundi. Jemi përpara një vazhdimi epik të luftës opozitare të një rezistence të vendosur dhe tradicionale për NE në shembjen e figurës më të zezë pas Enver Hoxhës gjatë gjithë këtyre viteve në demokraci.
Detyra nuk është e thjeshtë, por fitorja jo vetëm që nuk është e pamundur por duke e pasuruar luftën tonë me aspekte të reja dhe të thella taktike dhe strategjike, ne do ta shembin diktatorin.
Natyrisht nga besimi dhe fjalët tek vepra dhe aksioni politik është një distancë që ne do ta përballojmë me heroizëm real. Në pikëpyetje nuk është fati ynë por ai i fëmijëve tanë, fati i demokracisë dhe mbi të gjitha fati i kombit tonë.