”Banda e bravave”, Muçollari: Akt banditesk me urdhër të Bashës

Në mbledhjen e parë të Komisioni të Rithemelimit të PD-së në selinë blu, pati incidente. Kreu ende në detyrë i FRPD-së, Belind Këlliçi hodhi akuza për bastisje të zyrës së tij në PD, dhe për ndërrimin e bravave. Sekretari i përgjithshëm i FRPD, Grigels Muçollari thotë ajo që ndodhi dje nuk ishte incident, por një skenë e pastër krimi.

”Nuk është çështja se janë ndërruar brava, por është vjedhur gjithë dokumentacioni i FRPD-së, serverat, laptop, sende personale të kryetarit të Forumit. Është vjedhur dhe një nga vulat e FRPD. Aty ishte një akt banditesk që vetëm që hajdut i mirëfilltë mund ta bënte”,-tha në ”Ora News”.

Po ashtu Muçollari u shpreh se lidhur me këtë akt lajmëruan policinë të cilën e pritën për 40 minuta dhe nuk kishte shkuar. ”Ne u detyruam të shkonim në Komisariatin numër 1 dhe të bënim një kalëlzim ëpr vjedhje. Është vjedhur një hard disk i zotit Këlliçi i cili thotë se ka të dhë na personale dhe foto familjare”.