Banorët e Nartës dalin në protestë para Bashkisë Vlorë: Duam ujë në shtëpi

Disa familje në Nartë të Vlorë, prej disa ditësh po vuajnë mungesën e ujit në banesat e tyre. Këtë të hënë, banorët e zonës i janë drejtuar bashkisë së Vlorës për të kërkuar zgjidhje të problemit. Ata kanë zhvilluar dhe një takim me përfaqësues të institucionit. Këta të fundit i kanë premtuar zgjidhje, ndërsa banorët i kanë dhënë afat, në të kundërt do t’u drejtohen institucioneve qendrore ne Tiranë.