Bardhi: Berishës nuk i intereson fitorja e PD, vota për të fuqizon Ramën

Sekretari i Përgjithshëm i PD, Gazmend Bardhi ka reaguar me një mesazh në rrjetet sociale ndaj Sali Berishës. Ai shton se e ka betejën me PD dhe demokratët, jo me regjimin e Edi Ramës.

“Sali Berisha po demaskon veten dita ditës duke sulmuar vetëm Partinë Demokratike dhe demokratët. Asnjë fjalë për kandidatët e Partisë Socialiste në zgjedhjet  e 6 Marsit. Vetëm fyerje, sharje, shpifje dhe intimidim për kandidatët e Partisë Demokratike.

Këtë metodë ka futur edhe tek ato pak njerëz që i shkojnë nga pas në 6 bashkitë. Nuk i interesojnë demokratët, nuk u intereson fitorja e tyre, i intereson vetëm të furnizojë me “karburant” revolucionin e tij imagjinar bashkë me Ilir Metën kundër SHBA.

Çdo votë për “Shtëpinë e Ilirit” është votë kundër demokratëve, kundër PD, dhe votë që fuqizon pushtetin e Edi Ramës”, mbyllet reagimi i Bardhit.