Bardhi në Patos: Banorët në Zharrëz do të kompensohen për frymë për ndotjen e ajrit

Kreu i grupit parlamentar i PD-së, njëkohësisht edhe kreu politik i qarkut Fier për zgjedhjet parlamentare të 11 majit, Gazment Bardhi ishte sot (22 mars) në fshatin Zharrëz, në shtabin elektoral.

Nga Patosi, ligjvënësi u shpreh besimplotë për ‘fitoren madhështore’ të PD në zgjedhje.

“I siguroj banorët në Zharrëz se ajo që u takon për frymë si tarifë kompensimi për ndotjen e jashtëzakonshme të ajrit nga zbatimi i kontratave të kompanive private që operojnë në zonë me shtetin shqiptar.

Jo vetëm do t’u shkojë banorëve, por askush nuk do të guxojë që të abuzojë me pamundësinë e tyre për të ngritur zërin për të drejtat që ju takojnë. Fjalë e dhënë, është fjalë e mbajtur!”, tha Bardhi ndër të tjera.