Bardhi nga Lezha ku hapi fushatën elektorale: Refuzoni në këto zgjedhje me votën Ilir Metën

Gazment Bardhi nga Lezha ku hapi fushatën elektorale kërkoi nga mbështetësit e Partisë Demokratike të refuzojnë në këto zgjedhje me votën Ilir Metën.

“Në këtë betejë elektorale të pazakontë kemi hyrë me një qëllim, të ruajmë dinjitetin e PD. në 2023 të përsërisim gabimet e të shkuarës për inate të momentit. Të gjithë e mbani mend në 2009 e mbushëm me pushtet Ilir Metën dhe me atë veprim, sollëm në pushtet Edi Ramën në 2013”.

Partia Demokratike e kryesuar nga Alibeaj nuk ka kandidat në asnjërën prej tre bashkive të Qarkut Lezhë, ku krahas Sandër Markut, njëri pas tjetrit u tërhoqën nga zgjedhjet edhe kandidati për bashkinë e Kurbinit Genc Doçi, si dhe Gjon Ruçi për Mirditën.

Në të treja këto bashki, Partia Demokratike e kryesuar nga Alibeaj garon vetëm për këshillat bashkiakë në zgjedhjet vendore të 14 Majit.