Basha denoncon te austriakët keqqeverisjen e Ramës

Kryetari i Partisë Demokratike, Lulzim Basha priti në takim Drejtorin Politik të Ministrisë së Jashtme Austriake, Jan Kickert dhe Drejtorin për Ballkanin Perendimor, Johannn Sattler.

Basha denoncoi atë që e konsideroi kthim mbrapa dhe zhbërje të standardeve demokratike që po rrezikojnë seriozisht të ardhmen e Shqipërisë.

Basha njohu diplomatët e lartë austriakë me shkeljen e standardeve në zgjedhjet e fundit ndërsa tha se inkriminimi i administratës dhe i politikës deri në nivelin e Parlamentit, janë shqetësim i madh për vendin.

Basha po ashtu tha se keqeverisja po sjell pasoja dramatike në ekonomi dhe po detyron qindra shqiptarë të shkojnë në azil.

“Krimi, korrupsioni dhe dhunimi i votës së lire – tha Basha – janë kthyer në pengesë dhe kërcënim të madh për zhvillimin e Shqipërisë dhe përparimin e saj në rrugën e integrimit europian”.