Basha: Familjet nën 645 mijë lekë zero tarifë për studimet bachelor dhe master

Kryetari i Partisë Demokratike, Lulzim Basha në takimin me të rinjtë e Vlorës u ndal edhe njëherë të premtimi i tij për të rinngritur arsimin e lartë në nivelet që meriton nga rrënimi ku e ka çuar qeveria Rama. Basha premtoi edhe njëherë se për të gjithë ata gjimnazistë që duan të bëhen studentë, familjet e të cilëve kanë të ardhura më të pakta se 645 mijë lekë, do të ketë rimbursim 100 për qind të tarifave bachelor dhe master.

‘Premtimi ynë është që të mos mbetet asnjë student pa arsim të lartë apo që nuk ua paguan dot tarifën shkollore familje. Për këtë arsye ne do të mundësojmë që për çdo familje nën 645 mijë lek të vjetra do të përfitrojnë 100 për qind të subvencionimit për bachelor dhe mastër.

Do të investojmë edhe në një numër degësh që janë të lidhura drejtpërdrejt me ekonominnë dhe punën. Prioritetet tona janë ato që lidhen me mundësinë për zhvillimin ekonomik dhe kërkesat e tregut. Teknologjia e informacionit,ekonomia, inxhinieria, bujqësia kur  49 për qind e studentëve janë nga zonat riualë, agronomia,ambienti, degë tërsisht të braktisura, nga që nuk marrin finacime, po mbyllen, sepse kjo qeveri në vend që ti cojë fondet te rinia, i çon te oligarkia.

Ndaj edhe këtu do të kemi një ndryshim të madh të mbështetje me fonde që nxjerrin specialist, degë që kanë nevojë ekonomia.’