Basha lëshon mesazhin e koduar: Mos u mërzisni, nuk keni parë asgjë akoma

Kryetari i Partisë Demokratike, Lulzim Basha është paraqitur rreth orës 10.30 në Parlament, pak përpara nisjes së diskutimit të projektligjeve.

Opozita ka paralajmëruar se do të bllokojë seancën e kësaj të enjteje dhe do të vahdojë deri në dorëheqjen e ministrit të Brendshëm Fatmir Xhafaj.

Para se të futej në Parlament, Basha ka përshëndetur gazetarët duke u thënë “mos u mërzisni, nuk keni parë asgjë akoma”.

Opozita zhvilloi edhe dje një protestë para ministrisë së Brendshme, pak orë pasi kryeministri Rama deklaroi se ministri i tij nuk ka asnjë përgjegjësi për të vëllain, për të cilin PD-ja ka publikuar një audiopërgjim.