Basha me 2 anëtarë në KZAZ, Indrit Sefa: Nuk do lejonim që bashkimi i halleve të “non-gratave” të zyrtarizohej

Kolegji Zgjedhor vendosi që Partia Demokratike zyrtare e Lulzim Bashës të njihet si grupimi më i madh i opozitës dhe rrjedhimisht të ketë 2 anëtarë në KZAZ.

Përfaqësuesi ligjor i PD-së, Indrit Sefa është shprehur se kjo është një fitore e gjithë demokratëve. Ai tha se PD nuk do të lejonte që bashkimi i halleve të ”non-gratave” të zyrtarizohej edhe ligjërisht.

Sipas tij, kjo fitore nuk ka të bëjë me zgjedhjet e pjesshme vendore në Bashkinë e Kukësit, por me zgjedhjet vendore të vitit 2027. Por në zgjedhjet e 24 shtatorit në Kukës, Basha nuk do të ketë kandidat.