Basha me parti të re? Bardhi: S’bëhem pjesë e asnjë iniciative të re

A do të krijojë Lulzim Basha parti të re dhe do të bëjë pjesë grupin e tij në PD? Gazment Bardhi e bën të qartë se ai nuk ikën nga selia blu për një tjetër parti, apo nëse do të kemi iniciativë të re. Po ashtu ai pohon edhe se Berisha nuk është e ardhmja e PD-së dhe as e Shqipërisë.

”Nuk përfshihem në asnjë iniciativë për asnjë parti tjetër, ka qenë kjo parti që më dha mandatin e përfaqësuesit e partisë, nuk do përfshihet kurrë në asnjë iniciativë për krijim partie.

Berisha nuk është e ardhmja e PD-së dhe as e Shqipërisë dhe prandaj nuk mundem t’i them që do duhet ta votosh, atë. Kjo do ishte e paimagjinueshme. E paimagjinueshme që kjo parti të rikthehet 32 vite më parë, nëse nuk prodhon një lider të ri apo alternativë të re, peng të një individi atëherë ka një problem të madh”.