Basha: Rama qëllimisht po mban të ulët testimet, po ndihmon përhapje e virusit

I ftuar në Tempora nga Sonila Meço në RTV Ora, kreu i PD-së Lulzim Basha u shpreh se Rama në mënyrë të qëllimshme po i mban të ulët dhe aktivisht po ndihmon në përhapje e virusit, prandaj qeveria ka përgjegjësi politike për këtë situatë.

Basha: Njerëz në këto momente po përdoren për të mbuluar dështimet e Ramës, të cilit i ka dalë pandemia jashtë kontrollit. Rama në mënyrë të qëllimshme po i mban të ulët dhe aktivisht po ndihmon në përhapje e virusit, prandaj qeveria ka përgjegjësi politike për këtë situatë.

Po të shohësh grafikët, numri i testimeve në Shqipëri është i fundit në rajon. Qesen e parave  e ka në dorë Edi Rama. Ai sa herë kapet me presh në duar, fshihet pas dikujt tjetër. Këtë herë ka zgjedhur komitetin teknik.

Të gjitha paratë këto ditë po shkojnë në inceneratorët e plehrave të cilët nuk ekzistojnë, janë në 3D. Nga ana tjetër ne kemi numrin më të ulët të mjekëve në Evropë. Shëndetësia vuan nga probleme të mbartura.