Bashkëshorti anglez i vdiq në Spitalin Infektiv, Berisha publikon denoncimin e gruas: U trajtua në kushte të mjerueshme

Një qytetare ka denoncuar humbjen e bashkëshortit të saj britanik në spitalin Infektiv në Tiranë nga Covid-19, ndërkohë që sipas saj ai nuk kishte asnjë sëmundje dhe ishte një tip sportive.

Sipas qytetares që ka bërë denoncimin, kushtet në spital kanë qenë të mjerueshme dhe bashkëshorti i saj është trajtuar në mënyrë skandaloze.

Denoncimi është bërë publik edhe nga ish-kryeministri Sali Berisha.

“Denoncon vdekjen e të shoqit 45-vjeçar, sportiv, pa asnjë sëmundje, nga Covid-19 në spitalin Infektiv!

Denoncon kushte të mjerueshme në spital.

Komunikim jo i mirë i personelit. sb

Unë para 2 javësh më dt. 19 dhjetor humba bashkshortin tim, vetëm 45 vjeç në Infektiv.

Një shtetas i huaj anglez që e donte Shqipërinë por që u trajtua në kushte të mjerueshme në atë spital. Një djalë shumë sportive, 45 vjeç dhe me shumë humor por që ndjehej kaq i frikësuar dhe në panik brenda atij spitali nga mënyra se si ishte ambjenti dhe shërbimi.

Nuk e di për familjarët e tjerë por une kam qëndruar 4 ditë para atyre kangjellave dhe kam përjetuar një ferr të vërtetë.

Bashkëshorti im sipas tyre i kishte nivelet e oksigjenit 91-92 dhe të gjithë organet jetësore ok”, denoncon gruaja permes ish-kryeministrit Sali Berisha.