Bashkia e Mirditës vishet kuqezi, aktivitete të shumta në Ditën e Pavarësisë

Festat e Nëntorit e kanë gjetur bashkinë e Mirditës të veshur kuqezi.

Kryetari i bashkisë Albert Melyshi, ndau sot foto nga aktivitetet që po zhvillohen në sheshin “Abat Doçi”, ndërsa ftoi qytetarët t’i bashkohen festimeve.

“Ju mirëpresim të festojmë festat Kombëtare në Mirditë”, tha Melyshi duke ndarë foto nga aktivitetet e organizuara.

Me një kalendar të pasur aktivitetesh, bashkia e Mirditës i është bashkuar festimeve për festat e Nëntorit.

Nxënësit e shkollave por edhe institucionet vendore janë angazhuar në një sërë aktivitetesh festive duke përcjell mesazhin e atdhedashurisë.