Batuta e Njeriut të Memeve për Ramën: Po të marrin me shpulla kalamajtë!

Kryeministri Edi Rama ka dy ditë që sulmon të rinjtë që po protestojnë. Një ditë më parë i quajti lukuni halabakësh, sot tha se janë terroristë të Boko Haramit.

Në të dy rastet, Rama thotë se në protesta po dalin fëmijët. Kjo ka sjellë edhe reagimin e Genc Sejkos, njeriut të memeve që ka iniciuar protestat.

“Burrin dy metra të gjatë, që ka shtatë vjet që terrorizon burra e gra, po e marrin me shpulla kalamajtë. ‘I shtyn Saliu me Ilirin’ thotë. O Dari!!!! Këta nuk po pyesin ata që i kanë bërë kokën”, ka shkruar Sejko në rrjetet sociale.