BE-ja një “kërcënim më i madh se Rusia”, shengen një katastrofë

Një politikane nga Danimarka ka paralajmëruar se Bashkimi Europian (BE) është një “kërcënim më i madh se Rusia”, dhe se blloku i 28 vende duhet “varrosur”.

Gazeta britanike, “Daily Express”, shkruan se Marie Krarup, e Partisë së djathtë Popullore daneze, e sheh si kërcënim kryesor të vendit BE-në dhe vuri gishtin në përçarësen e Brukselit.

Kur u pyet nëse BE-ja ishte rreziku më i madh, Kararup u përgjigj: “Po, pa dyshim. Vetëm Shengen vetëm është një katastrofë. Kjo është diçka që do të bëjë Danimarkën që të zhduket nga harta botërore, nëse ne nuk e tërheqim veten. Kufinjë kombëtarë janë shpërbërë dhe kjo situatë është një kërcënim ekzistencial ndaj Danimarkës”.

Sipas shkrimit ajo pranoi se lideri rus Vladimir Putin ishte “një eksponent i një sistemi despotik, jo-demokratik”.

Krarup tha: “Unë nuk dua një BE si ajo që kemi. Dua BE të varroset dhe të zëvendësohet nga një forum për tregti të lirë”.

Kristian Thulesen Dahl, gjithashtu i Partisë Popullore daneze, deklaroi se: “Mendoj se është shumë inkurajuese, sepse ajo tregon se shumë danezë janë të lodhur nga puna e Bashkimit Europian. Unë e marr si një shenjë të përkushtimit dhe besimit për të ardhmen”.

Burimi: Daily Express/Pershtati: Redjon Shtylla