Bejko: Jam besimplotë te fitorja. S’jemi pengje të oligrakisë e korrupsionit

Kandidati i Partisë Demokratike zyrtare për Bashkinë e Tiranës, Roland Bejko tha këtë të enjte se është besimplotë se qytetarët do i jap votën, e pse jo do e çojnë drejt fitores. Për të 70% e qytetarëve nuk e duan më politikën e vjetër. Bejko thekson se Partia Demokratike nuk është peng i oligarkisë dhe se nuk mban krime mbi supet e saj.

“Jam besimplotë se kredibiliteti dhe personaliteti juaj në çdo zonë, në çdo lagje, në çdo fshat, si në Tiranën urbane ashtu edhe në atë rurale, do të na japi mundësi që ta maksimalizojmë votën e Partisë Demokratike, dhe të synojmë pse jo, fitoren.

Pse e synojmë fitoren? Sepse, sipas të gjitha sondazheve, siç e keni vënë re, janë mbi 70 % e qytetarëve shqiptarë që refuzojnë klasën e korruptuar politike, e cila përfaqësohet nga trekëndëshi Rama, Berisha, Meta. Në këto kushte përballë tyre, ne jemi të ndryshmit e tyre.

Ne nuk jemi pengje as të oligarkisë, nuk mbartim mbi supe as krime dhe as korrupsion. Nuk kemi rekorde të bashkëpunimit me krimin e organizuar, me ekonominë kriminale. Pjesa jonë më e madhe, pjesa dërrmuese jemi në kushtet e punës, e fitojmë përditshmërinë tonë, e fitojmë jetën tonë, nëpërmjet profesionit të gjithsecilit”,-tha Bjeko.