Belind Këlliçi denoncon APR: Një çantë ushqime për komunitetin rom për t’i mbajtur të uritur edhe 4 vjet!

Aktualitet E Hënë, 19 Prill 2021 14:46

Kandidati për deputet i Partisë Demokratike, Belind Këlliçi ka denoncuar Agjencinë e Parqeve dhe Rekreacionit e Bashkisë Tiranë, e drejtuar nga Erinda Fino, e cila shpërndan ushqime për komunitetin rom në zonën e stadiumit “Selman Stërmasi” për qëllime elektorale.

Këlliçi e ka quajtur këtë një lojë të ndyrë që bëhet për bukën e gojës.

“Tregojini vendin kujtdo që kërkon t’ju blejë dinjitetin. Dilni masivisht më 25 prill për të votuar ndryshimin”, shkruan Këlliçi në postimin e tij.

Postimi i plotë:

Një çantë ushqime për t’i mbajtur të uritur edhe 4 vjet!

APR – Agjencia e Parqeve dhe Rekreacionit e Bashkisë Tiranë, e drejtuar nga Erinda Fino, shpërndan ushqime për komunitetin rom në zonën e stadiumit “Selman Stërmasi”.

Një lojë e ndyrë me bukën e gojës.

Tregojini vendin kujtdo që kërkon t’ju blejë dinjitetin.

Dilni masivisht më 25 prill për të votuar ndryshimin.