Belinda Balluku te “BIOBES”, lider në fushën e prodhimit, grumbullimit dhe përpunimit të bimëve aromatike dhe mjekësore që sot eksporton në Europë

Belinda Balluku shkruan në profilin e saj në facebook: “Divjakë- në kompaninë BIOBES, lider në fushën e prodhimit, grumbullimit dhe përpunimit të bimëve aromatike dhe mjekësore që sot eksporton në Europë e përtej saj”.

Pak me vonë Balluku shton në sqarimin në facebook se “Besnik Koçi, një model që flet vetë. Të ardhurat e siguruara në emigracion, Besi vendosi ti investojë në vendlindjen e tij, për të vijuar traditën e familjes. Në shtëpinë e të parëve të tij, sot ka ngritur kompaninë BIOBES,  të cilën e ka kthyer në një kompani lider në fushën e prodhimit, grumbullimit, përpunimit dhe eksportit të bimëve aromatike dhe mjekësore. Produktet, të cilat mblidhen nga e gjithë shqipëria, pas përpunimit tregtohen jo vetëm në tregjet europiane, por dhe më gjerë. Një shembull që meriton mirënjohje edhe për përgjegjësinë sociale dhe kujdesin e treguar për punonjësit, si pjesa më e rëndësishme e suksesit të kompanisë. Mbështetje dhe vlerësim maksimal për çdo sipërmarrës që investon dhe punëson”.