Benet Beci: Kopshti “Bep Tusha” po transformohet, gati për fëmijët në shtator

Kopshti “Bep Tusha” në Shkodër po i nënshtrohet një rikonstruksioni të plotë, në kuadër të një investimi që synon përmirësimin e kushteve për fëmijët dhe komunitetin e zonës. Krahas godinës së kopshtit, po realizohet edhe sistemimi i sheshit përpara tij.

Kryebashkiaku i Shkodrës, Benet Beci, bëri të ditur se investimi do t’u shërbejë rreth 150 fëmijëve, duke krijuar një hapësirë moderne, të sigurt dhe funksionale për ta dhe për banorët e zonës.