Kryeministri Edi Rama ka dalë sot herët dhe po flet për herë të parë për protestën e dhunshme si dhe përgenjështron fjalët se jam arratisur. “Jam këtu me ju”- tha kryeministri. “Protestat e dhunshme nuk kanë asnjë lidhje me studentët. Nuk po bie në kurthin e dhunës që kërkon gjak, por nuk bie në këtë kurth”, theksoi Rama.
Me tej kryeministri theksoi se ata që gjuajnë me gurë, hekura, molotov, etj janë kriminela dhe do ndëshkohen. Rama shtoi se ky brez i ri i rritur me mirë se sa brezi ynë, por që ka kërkesa të natyrshme të reja, e duan gjithçka gati. Kryeministri nënvizoi se forcat e policisë janë heronjtë e shtetit, sepse po sakrifikojnë për të ruajtur shtetin, rendin publik. Terrori i gurëve nga një grusht njerëzish të keqpërdorur po synon për llogari të dikujt që ndalojë procesin e anëtarsimit të Shqipërisë në BE.
“Matufi (Berisha) bën thirrje nga mëngjesi në darkë për terror”. PD e ka plan përhapje paniku dhe destabilitet. Ndërkohë protesta ka edhe në Francë, Itali, Belgjikë, Portugali si një flamë e keqe, por këtu “flama” ka duar të huaja për ta penguar drejt BE. Një dorë e fshehtë dhe djallëzore po përdor fëmijët. Po kështu kemi neutralizuar një dron me eksplozivë që godiste kryeministrinë brenda për ta shkaterruar krejtësisht…
Kryeministri Edi Rama ka komentuar sërish protestat e zhvilluara kundër qeverisë, duke mohuar se ka dëgjuar kërkesa konkrete nga protestuesit, të cilët prej më shumë se 135 ditësh kanë dalë në rrugë me thirrjen “Jepe dorëheqjen”.
Gjatë fjalës së tij, Rama tregoi një bisedë që pretendon se ka zhvilluar me një studente, e cila i kishte thënë se protestuesit kanë kërkuar prej muajsh që ai t’i dëgjojë.
Kryeministri u përgjigj se, sipas tij, nga protestat poshtë dritares së zyrës së tij ka dëgjuar vetëm thirrjet “burg dhe litar”, ndërsa pretendoi se nuk janë paraqitur kërkesa për dialog.
Rama u ndal edhe te mesazhet që, sipas tij, merr nga persona të maskuar, të cilët tha se merren me kërcënime ndaj tij dhe familjes së tij.
Kryeministri Edi Rama, ka thënë të dielën se autoritetet e kishin neutralizuar një “dron me eksploziv”, që, sipas tij, synonte ta godiste ndërtesën e Kryeministrisë në Tiranë. Ai gjithashtu akuzoi aktorë të huaj për ndërhyrje në protestat e dhunshme kundër Qeverisë, duke përmendur Iranin si burim të dezinformimit.
Trazirat pesëditore në kryeqytetin shqiptarë janë përshkallëzuar në dhunë duke shkaktuar të lënduar mes policëve dhe protestuesve dhe dëme materiale. Dhuna në protestë ka nxitur thirrje për vetëpërmbajtje.
Në një adresim publik, Rama tha se droni ishte neutralizuar dy ditë më parë dhe se synonte t’i vinte zjarrin oborrit të brendshëm të Kryeministrisë, me “pasoja potencialisht të rënda”.
“Kjo është një dorë e huaj”, shtoi ai, duke pretenduar se një operacion i tillë nuk mund të ishte menduar apo organizuar nga studentët dhe të rinjtë shqiptarë që po protestojnë.
Rama nuk identifikoi personat apo grupet që dyshohet se qëndrojnë pas incidentit dhe nuk paraqiti prova për pretendimet e tij.
Kryeministri shqiptar gjithashtu pretendoi se ekzistojnë të dhëna për ndërhyrje të huaja në rrjetet sociale, të cilat, sipas tij, synojnë të nxisin destabilizimin e vendit.
“Ne kemi shumë të dhëna, do vazhdojmë ta pasurojmë atë që kemi nisur qysh në krye të herës me interferencën në rrjetet sociale të atyre ‘duarve të huaja’”, tha Rama.
Ai përmendi shprehimisht Iranin, të cilin e cilësoi si një prej burimeve të dezinformimit, duke thënë se “ku, natyrisht, një dorë tjetër është republika Khomeiniste e Iranit, kulmi i dezinformimit”.
Rama iu referua edhe një postimi të Aleksandr Duginit, një nga ideologët kryesorë të Kremlinit dhe mik i ngushtë i presidentit rus, Vladimir Putin.Pa e përmendur Duginin me emër, Rama e cilësoi atë si “babain ideologjik” dhe “udhëheqësin shpirtëror” të Putinit.
Në një postim në rrjetin social X, më 17 tetor, Dugin i përshkroi shqiptarët si “popull shumë interesant dhe trim”, duke shkruar se “po zgjohen tani”. Ai iu referua gjithashtu rolit të të krishterëve ortodoksë në ndërtimin e shtetit shqiptar dhe traditës sufiste të islamit në vend.
Deklaratat e tij vijnë në kohën kur Shqipëria po përballet me protesta kundër Qeverisë, të cilat janë shoqëruar me përplasje mes demonstruesve dhe forcave të rendit.
Rama pretendoi se një grup prej 200 deri në 300 personash të maskuar, që sipas tij nuk kanë lidhje me studentët, po e shkakton pjesën më të madhe të dhunës.
Ai akuzoi gjithashtu kundërshtarët politikë për nxitjen dhe organizimin e trazirave, duke pretenduar se sulmet ndaj bankave dhe bizneseve synojnë të përhapin panik në vend
Pjesë nga fjala e Edi Ramës:
“Dje flisja me një studente. Kanë pasur shumë kërkesa për librin e shtëpisë time në telefon. Sidomos nga ata trima me maska edhe në WhatsApp, si Roberto Cavalli dhe Dolce & Gabbana, që merren intensivisht me librin e shtëpisë time, që do më bëjnë këtë e atë.
Por në këtë lumë, një studente, në një gjuhë aspak normale, por jo si e tyrja, më shkruan dhe flasim edhe në telefon dhe më bën përshtypje që pak di nga historia jonë, për atë që ka ndodhur në këtë qytet.
Më tha: ‘S’na ke dëgjuar kaq muaj’. I thashë: ‘Ju kam dëgjuar, se keni qenë poshtë dritares sime. Kam dëgjuar burg dhe litar. Nuk keni thënë asnjë kërkesë, keni thënë s’duam dialog’.”
Për me tepër ndiqeni live
