Benet Beci pret fituesit e festivalit në RTSH: Shkodra Elektronike na bëri krenarë të gjithëve!

Kryebashkiaku Benet Beci ka pritur në takim grupin “Shkodra Eleketronike”, fituesit e festivalit në RTSH, të cilët do të përfaqësojnë Shqipërinë në Eurovizion vitin e ardhshëm.

“Me Beatriçen dhe Kolën, që me Shkodrën Elektronike na bënë krenarë të gjithëve!
Kënga e tyre fantastike dhe interpretimi i jashtëzakonshëm bashkuan të gjithë shkodranët për ta mbështetur Shkodrën në Eurovision. Një emocion i papërsëritshëm dhe një mundësi e shkëlqyer për të promovuar Shkodrën në arenën ndërkombëtare.
I sigurova artistët për mbështetje të pakursyer në mënyrë që përfaqësimi i tyre në maj, në Basel të Zvicrës, të jetë dinjitoz. Aty do të jenë sytë dhe zemrat e të gjithë shqiptarëve”, shkruan Benet Beci në rrjetet sociale, ku ka ndarë edhe pamjet nga ky takim.