Berisha: Banorët e Patos-Marinzës meritojnë dëmshpërblim, në atë zonë janë rritur të sëmurët me kancer

Kreu i Partisë Demokratike, Sali Berisha, ka mbështetur kërkesat e banorëve të Patos-Marinzës, të cilët protestojnë lidhur me kontratat e qirasë dhe pasojat që, sipas tyre, ka sjellë aktiviteti i nxjerrjes së naftës në zonë. Ai iu referua edhe disa studimeve që evidentojnë një rritje të rasteve të kancerit në zonë. Përballë këtyre shqetësimeve, Berisha kërkoi kryerjen e një kontrolli të plotë dhe serioz shëndetësor për banorët, si dhe masa mbështetëse për familjet që mund të jenë prekur nga pasojat e aktivitetit të industrisë së naftës.