Berisha i pandehur nga SPAK, Murati tregon për ndikimin në zgjedhje

Erl Murati duke komentuar marrjen si të pandehur të Sali Berishës nga ana e SPAK, tha se s’ka pse të shqetësohet askush pse një ish-kryeministër po shkon në Gjykatë. Për të protesta e parë që bëhet para godinës së SPAK-ut nuk bëhet për të kërkuar që të bëhet më shumë kundër korrupsionit, por bëhet për të kërkuar llogari pse i ngritët akuzë një ish-kryeministri.

“Njerëzit janë të gatshëm të presin se çfarë do të thotë Gjykata. Nga sondazhet nuk kemi parë perceptimin që Berisha po goditet politikisht. Mendoj se fati personal i Berishës duhet të ndahet nga ai i opozitës. Nëse nga shqiptarët mund të perceptohet se Berisha është i burgosur politik, kjo mund të ndikojë dhe të rrisë mbështetjen elektorale për PD-në. Në të kundërt, pra nëse provohet akuza për korrupsion, atëherë do të ketë një ndikim negativ në elektorat”, tha Murati.