Berisha: Jozefina Topalli ka kontribute të jashtëzakonshme në PD

Ish-kryeministri Berisha në një takim me intelektualët e Shkodrës tha ndër të tjera se Jozefina Topalli ka kontribute të jashtëzakonshme në PD.

“Kam kënaqësi që fushatën këtu në Shkodër e udhëheq Arben Imami nga Tirana. Kërkesën për këtë e paraqitën nga këtu, nuk erdhi nga unë, pasi ai ka punuar në të kaluarën në Shkodër.

Të gjithë ata që kanë kontribute janë të mirëpritur dhe do rikthehen. Jozefina Topalli ka kontribute të pamohueshme.

Ne jemi për hapjen e PD-së për të gjithë ata që kanë kontribute në parti. Sikundër jemi për hapjen e partisë për njerëzit e vlerave.

Ne do nxjerrim në plan të parë rininë. Ky do jetë një qëllim tjetër ynë pasi ajo po ikën,”- tha Berisha.

Në të vertetë Jozefina Topalli ka qenë, çuditësisht, kundër Lulzim Bashës që në fillim kur ai zbriti nga Kosova dhe mori “petullat” e PD-së të gatshme në tepsinë e Berishës.