Berisha: Mbështesim protestën, kërkesat e qytetarëve janë edhe beteja jonë

Sali Berisha, deklaroi se mbështet plotësisht protestën masive të qytetarëve që po zhvillohet në Tiranë. Duke folur në një komunikim online me qytetarët, Berisha tha se 5 kërkesat e protestuesve përkojnë me betejat e opozitës ndër vite.

Ai u bëri thirrje mbështetësve të Partisë Demokratike nga e gjithë Shqipëria që të marrin pjesë në protestë.

“Edhe sot shfrytëzoj rastin të bëj thirrje anëtarëve dhe mbështetësve të Partisë Demokratike nga Pogoni, Kakavija, në Vermosh dhe në Valbonë, të vërshojnë drejt Tiranës në protestën më madhështore të kombit. Qytetare, rinore, jo partiake”, u shpreh Berisha.