Ish-kryeministri Sali Berisha, nga ”Foltorja” në Durrës, akuzoi Lulzim Bashën se me një listë për deputetë të bërë në mesnatë ekzekutoi njerëzit me kontibute mes demokratëve.
”Në një listë të bërë pas mesnate u ekzekutuan si në pusi, njerëz që kishin 20 vite kontribute në PD. Unë nisa procesin e përgjegjësisë për këtë akt.
I kërkova Bashës të japë dorëheqjen pas zgjedhjeve të 2017, pasi nuk kishim pësuar humbje të tilla.
Problemi është që nuk nisa procesin që ai të merrte përgjegjësitë për humbjen e tmerrshme. Unë i thoja çdo gjë atij në zyrën time, por nuk e bëja atë sepse nuk kisha ndërmend të rikthehesha”.