Këtë mbrëmje Sali Berisha po zhvillon një bashkëbisedim me banorët e zonës së Kombinatit në Tiranë. Berisha shprehu bindjen se PD ia ka dalë të hartojë projektin më të mirë që ka paraqitur ndonjëherë para shqiptarëve.
“Kemi ekspertizën më të mirë ndërkombëtare, dy fondacione kryesore në botë të qendrës së djathtë, fondacioni Adenauer i Gjermanisë dhe fondacioni Heritage i SHBA kanë shqyrtuar dhe vlerësuar programin tonë. Kanë bërë sugjerimet e tyre”, tha Berisha.
Për të ky program në mënyrë të padiskutueshme ka eksperiencën, ka trashëgimi eksperiencën që do të bëjë ndryshim të madh në qëndrimin e shtetit ndaj qytetarëve.
”Nuk ka mësues në Shqipëri që të thotë se në atë periudhë nuk m’u dyfishua rroga. Nuk ka mjek, nuk ka infermiere që të dëshmojë se në ato vite, rroga e tij nuk u dyfishua. Nuk ka pension të ulët që thotë se pensioni i tij nuk u dyfishua. Nuk ka pension të mesëm që të thotë se pensioni i tij nuk u rrit me 60 për qind. Nuk ka pension të lartë që të thotë se pensioni i tij nuk u rrit me 40 për qind”.