Berisha nuk do të fus kryetarët e partive të vogla në listën e sigurtë për deputet

PD-ja pas ngjarjes në Lezhë dhe rritjes së pakënaqësive ndër radhët demokrate se disa emra do të jenë deputetë të sigurtë në lsitën e firmosur nga Sali Berisha si kryetar i PD-së, ka vendosur që asnjë kryetar partie të koalicionit nuk do të jenë në këtë listë.

Kjo sjellë që asnjë kryetar partie aleate nuk do të arrijë të fitojë dot me votat e partisë së tij, përjashtuar Ilir Metën e PL. Pra do të ndodhë ajo që paralajmëroi dje Agron Duka i PAA se nuk ka asnjë surprizë nëse futem me Edi Ramën në koalicion. Ndërkohë Dashamir Shehi duke e ndjerë këtë rrezik të mosfutjes në listë nga Berisha, ka krijuar një koalicion tjetër.  Vangjel Dule i PBDNJ ka shkuar shumë larg në tunelin e Berishës dhe në luftën me kryeministrin, aqsa nuk ka asnjë shans të futet te lista e PS.

Nëse Berisha do të vendosë të fus vetëm Fatmir Mediun e PR, kjo do të krijojë zemërim te aleatët e tij në zgjedhje. Por edhe inat dhe hakmarrje nga drejtuesit politikë në qarqe, të cilët po hasin në reagimin e bazës demokrate që duan votime në Primare për emrat si kandidat për deputet.