Berisha, pritet të dalë në një konferencë me gazetarët në orën 13:30

Pas 11 muajsh brenda mureve të shtëpisë dhe komunikim online me mediat dhe publikun, kreu i PD-së Sali Berisha i kthehet normalitetit.

Kreu i PD-së pritet të dalë në një konferencë me gazetarët në orën 13:30.

“Në ora 13:30, Kryetari i Partisë Demokratike, Sali Berisha zhvillon konferencë me gazetarët salla “Azem Hajdari”, selia PD”, njoftoi PD.

GJKKO vendosi sot pranimin e kërkesës së Berishës dhe revokimin e masës së sigurisë “arrest shtëpie”. Avokati i tij, Genc Gjokutaj tha se vendimi është plotësisht i ekzekutueshëm që sot dhe Berisha është i lirë.