Berisha uron Natën e Kadrit mes besimtarëve në Kavajë: 26 marsi, simbol i qëndresës për liri

Kryetari i PD-së, Sali Berisha ka marrë pjesë këtë të mërkurë në një iftar të shtruar për besimtarët myslimanë për Natën e Kadrit nga kryetari i bashkisë Kavajë, Fisnik Qosja.

Gjatë fjalës së tij, kryetari i PD tha se sot Kavaja përkujton edhe 26 marsin 1990, kur qytetarët e saj u ngritën kundër diktaturës duke regjistruar kështu revoltën e parë kundër komunizmit.

Berisha e mbylli fjalën e tij duke u shprehur se ai përulet me mirënjohje për trimërinë dhe heroizmin e 26 marsit, me shpresën se Natën tjetër të Kadrit demokratët ta festojmë në kushte krejt të tjera.