Bilanc lufte, shkon në 600 numri i të plagosurve nga tërmeti

Ministrja e Shëndetësisë, Ogerta Manastirliu sërish ka komunikuar një shifër zyrtare të rifreskuar për numrin e të prekurve nga tërmeti i fuqishëm që goditi sot vendin. Në një postim në “Facebook”, të shoqëruar me një video ku duket në Spitalin e Durrësit, Orgerta ka bërë me dije se deri më tani janë më shumë se 600 qytetarë që kanë marrë ndihmë mjekësore në spitalet e Tiranës, Durrësit, Lezhës, Kurbinit dhe Krujës.

“Në spitalin e Durrësit për të parë nga afër situatën e të lënduarve nga tërmeti që tronditi vendin. 176 qytetarë kanë marrë shërbim mjekësor në spitalin e Durrësit, gjendja e të cilëve paraqitet e stabilizuar. Janë më shumë se 600 qytetarë kanë marrë trajtim në spitalet e Tiranës, Durrësit, Lezhës, Kurbinit dhe Krujës. Ekipet mjekësore janë në gatishmëri të plotë!”, shkruar Ogerta Manastirliu.