Biznesmenë, kujdes me transfertat! Hakerat vodhën 2 milion euro. Ja si mashtrohen shqiptarët

Më shumë se 2 milionë euro i janë vjedhur shqiptarëve përgjatë vitit 2015, falë mashtrimeve kompjuterike.

Shefi i seksionit të krimeve kompjuterike e kibernetike në drejtorinë e policisë tiranë Artan Dashi në një intervistë për Report TV shprehet se ka pasur raste që një biznesmeni i janë vjedhur deri 850 mijë euro vetëm me një transfertë.

Mashtrimi kompjuterik sipas Dashit vijnë për shkak se biznesmenët shqiptarë kërkojnë të mbarojnë punë shpejt dhe nuk i kontrollojnë faturat, numrat e llogarisë apo çdo të dhënë që duhet të plotësohet para çdo transferte.

Kryesisht hakerat e huaja i transferojnë paratë në banka të Anglisë, Gjermanisë, Sllovakiës e Cekisë për një periudhë tranzitore e më pas paratë e vjedhura përfundojnë në vëndet e Afrikës duke u shpërndarë në një rrjet merimange siç e quan Dashi pjestimin e një shume në 100 llogari.

E teksa gjendja sipas Dashit është në kufijtë e alarmit, ai ka një këshillë për këdo që e ka të nevojshme të përdori internetin për punë apo transferta duke i kërkuar që të bëjnë kujdes para çdo transaksioni.

Krimet kompjuterike janë të shumta, por ajo çka ka ngritur alarmin e kuq në drejtorinë e Policisë Tiranë janë mashtrimet kompjuterike ku vetëm për 2015-2016 numri i personave që nuk kanë gjetur më paratë e tyre në miliona euro arrin në 38 të tillë.

Rastet e mashtrimeve ndër vite

Viti          Mashtrimet

2010        6 raste

2011       16 raste

2012       17 raste

2013       24 raste

2014       28 raste

2015       20 raste

2016       18 raste