BKH “zbarkon” në Portin e Durrësit, dyshohet për sasi droge të ardhur nga Amerika Latine

Byroja Kombëtare e Hetimit ka mbërritur në portin e Durrësit këtë të dielë dhe nisur kontrollet në terren dhe do të kaloj në skaner të gjithë kontenierët e dyshuar.

Ky kontroll vjen si pasojë e informacioneve se në kontenierët e ardhur nga Amerika Latine mund të ketë sasi të lëndëve narkotike.

Rikujtojmë se disa ditë më parë në portin e Durrësit në një kontenier me banane u gjetën 33.5 kilogramë kokainë, rast ky i përsëritur nga e njëjta kompani importi bananesh.