Bllokohet 1 ton mjaltë në Tepelenë, AKU: I falsifikuar dhe i dëmshëm
Autoriteti Kombëtar i Ushqimit gjatë tre aksioneve të zhvilluara brenda muajit ka bllokuar rreth 1 ton mjaltë tek zona e njohur si uji i ftohtë në Tepelenë. Sipas drejtorit të AKU-së Gjirokastër Besnik Brahimi ky mjaltë ka rezultuar jo vetëm i falsifikuar por edhe i dëmshëm për shëndetin e njeriut.
Nga analizat e kryera në laborator vetëm 40 % e këtij produkti ka përmbajtje të mjaltit të zakonshëm, ndërsa pjesa tjetër përbëhet nga elementë të tjerë të dëmshëm për t’u konsumuar. AKU do të vazhdojë inspektimet në terren për të ndalur tregtimin e mjaltit në këtë zonë që konsiderohet i rrezikshëm për shkak të përmbajtjes së lartë të glukozës.