Bojkotojnë mësimin në Gjirokastër. Prindërit i kërkojnë bashkisë mjet transporti për fëmijët

Prindër dhe nxënës të fshatit Valare te Gjirokastres, kanë bojkotuar proccesin mesimor. Ata nuk do të shkojne  në shkollë deri në momentin që bashkia e qytetit do të mundesojë transportin e fëmijëve në shkollën që ndodhet ne piken me te afert 3 km larg Valaresë Prindërit thone se nuk kanë mundësi të shoqërojnë fëmijët e tyre në shkollë.

Ndërkohë që kalimi në rrugën automobilistikë është i rrezikshëm për shkak të qarkullimit të dendur të kësaj rruge.

Shkolla 9 vjecare “Petro Poga” që ndodhet në fshatin Valare, fshati më I madh I njësisë administrative të Lunxhërisë ka 150 nxënës të ciklit parashkollor deri në klasën e 9-të, 80 prej të cilëve cënohen nga mungesa e transportit që rrezikon mosarsimimin e tyre.