“Bordi i Trump po konkuron OKB”, pedagogia Gjyli: Po krijohet një rend i ri botëror

Pedagogia Arsejda Gjyli thotë se Bordi i Paqes nga presidenti i Amerikës, Donald Trump po konkuron Organizatën e Kombeve të Bashkuara (OKB).

“Kjo ftesa dhe ky entuziazmi vjen si rrjedhojë e të gjithë këtyre akuzave të ngritura në një farë mënyre për marrëdhëniet strategjike të Shqipërisë për momentin me Shtetet e Bashkuara të Amerikës dhe ky nuk është një hap i vogël. Unë mendoj që ky është një moment shumë i rëndësishëm për Shqipërinë në arenën ndërkombëtare, në shpërfaqjen e Shqipërisë në arenën ndërkombëtare.

Është një nga 60 vendet që ka marrë një mandat fillestar për të qenë pjesë e një strukture shumë të rëndësishme që i shërben edhe atij nocioni të rendit të ri global dhe patjetër që ne jemi një vend i vogël dhe një vend jo me fuqi sa i takon qoftë përfaqësimit, por edhe në plan ekonomik dhe unë mendoj që kjo Shqipërisë mund t’i shërbejë në shumë aspekte e para njëherë të shpërfaqes së vet në arenën ndërkombëtare, konsolidimit të vendit qoftë në plan institucional.

Mund t’i shërbejë Shqipërisë për investitorët e huaj, mund t’i shërbejë Shqipërisë për plane dhe projekte të tjera ndërkombëtare që mund të thithen si rrjedhojë e këtij lloj promovimi, mund t’i shërbejë Shqipërisë në plan ekonomik edhe të zhvillimit të turizmit edhe atyre strategjive që mund të ndërtohen në të ardhmen”, tha Gjyli.