Borë dhe ngrica në rrugët e Shqipërisë

Autoriteti Rrugor Shqiptar njofton se gjatë natës së kaluar problem kanë qenë temperaturat e ulëta dhe era e fortë. Në segmentin Kuben-Vasije ka pasur reshje bore 4-5 cm e shoqëruar me erë të fortë në formë cikloni. Gjithsesi qarkullimi vijon normalisht dhe pa zinxhirë në të gjitha akset e rajonit verior. Në jug temperatura ka zbritur deri në minus 7 gradë celsius në disa zona, si Dardha dhe Qafa e Qarrit ku ka pasur edhe erë të fortë. ARRSH thotë se vijon puna për pastrimin e akseve dhe kriposjen në vendet ku ka ngrica dhe akull.