Braimllari: Meta shpifës, me të do të merrem pas 11 majit

Kandidati për deputet i PS, Endrit Braimllari iu përgjigj akuzave të përsëritura të ngritura nga Ilir Meta në drejtim të tij. Edhe pse nuk e përmendi me emër, Meta akuzoi Braimllarin se u konvertua nga anëtar i Partisë së Lirisë në socialist, pasi doli nga dyert e SPAK. Nga ana e tij, Braimllari thotë se Meta është shpifës, dhe se me të do të merret pas 11 majit.

”Nëse ajo më adresohet mua, më vjen keq që është kthyer në një shpifës dhe shantazhues serial, që kërkon të mbulojë dështimet e lidershipit të tij. Ato janë çështje me të cilat do të merrem pas 11 majit, shumë seriozisht, pasi do të kërkoj të drejtën time ligjore mbi atë çështje, por tani jam fokusuar fort te fushata.

Për sa i përket konvertimit apo largimit, përgjigjen ia ka dhënë zoti Faik Basha, kandidati që ishte përballë tij për president të partisë. Përgjigjen e ka dhënë e nderuara ish-kryetarja e gruas. Arsyet që unë kam dhënë një vit më parë, njerëzit pranë tij i dhanë pas konventës së 27 prillit. Pra është e qartë situata. Mënyra se si kanë lëvizur në këtë vit tregon se sa jo seriozë janë”, tha në A2cnn.