LSI-ja nuk është mjaftuar me arrestimin e ish-ministrit Lefter Koka, pasi ka dorëzuar në SPAK material të tjera që për ta provojnë abuzimet për këtë çështje që i ka kushtuar miliona buxhetit të shtetit.
Sekretari i Përgjithshëm i LSI-së, Endrit Braimllari, thotë se kryeministri Edi Rama duhet të merret nën hetim pasi përgjegjësia është e tij.
“Kjo është një çështje nën hetim që duhet të shkojë deri në fund. Kemi bërë një kallëzim që nuk ka nisur vetëm këto 2 muaj. Është një procedurë ku përfshihen zyrtarë të lartë të shtetit shqiptar. Kryeministri thotë se kjo është një çështje individuale. Me urdhër të Ramës është bërë gjithçka brenda ditës, ndaj duhej marrë në hetim. Rama është kryesori që e drejton këtë skemë. Ai e ka promovuar këtë skemë korruptive”, u shpreh Braimllari për ”A2cnn”.
